შინაგან საქმეთა სამინისტრომ საკირის ტყეში გაჩენილ ხანძარზე გამოძიება სსკ-ის 187-ე მუხლის მეორე ნაწილით დაიწყო. ეს მუხლი ითვალისწინებს ნივთის დაზიანებას ან განადგურებას, ჩადენილს ცეცხლის წაკიდებით, აფეთქებით ან სხვა საყოველთაოდ საშიში საშუალებით და ისჯება თავისუფლების აღკვეთით ვადით სამიდან ხუთ წლამდე.
ხანძრის ტერიტორიაზე მძიმე ტექნიკა შეიყვანეს.
ცეცხლი დაახლოებით 5-6 ათას კვადრატულ მეტრზეა გავრცელებული.
ხანძარი სოფელ საკირეში, დღეს, 30 აპრილს, 19:00 საათისთვის გაჩნდა. ცეცხლი სოფლიდან შვიდი კილომეტრის დაშორებითაა.
შეგახსენებთ, რომ გასული წლის აგვისტოში ბორჯომის ტყეში ძლიერი ხანძარი იყო. ბორჯომის ხეობაში 2017 წლის 20 აგვისტოს ხანძარმა 752 ჰექტარი მოიცვა, საიდანაც 525 ძველი ნახანძრალი ტერიტორიაა.
კომენტარები
