გიორგი გახარია – გენერალ სამსონ ქუთათელაძის მკვლელობის საქმის გამოძიება დასრულების ფაზაშია გადასული

შინგან საქმეთა მინისტრის გიორგი გახარიას ინფორმაციით, გენერალ სამსონ ქუთათელაძის მკვლელობის საქმის გამოძიება დასკვნით ფაზაში გადავიდა. 
როგორც გახარიამ ჟურნალისტებს განუცხადა, მას იმედი აქვს, რომ საზოგადოება უახლოეს პერიოდში ამ საქმეზე ახალ ნიუანსებს შეიტყობს. ამასთან, შს მინისტრი არ აკონკრეტებს დატოვა თუ არა საქართველო გიორგი ჭანტურიამ, რომელიც პოლიციას მკვლელობის საქმესთან დაკავშირებით ჰყავდა დაკავებული.
„მეკითხებით კონკრეტულ მოქალაქესა და კონკრეტულ სისხლის სამართლის საქმეზე. რა თქმა უნდა, პროკურორის მსგავსად, მე არც დაგიდასტურებთ და არც ვუარვყოფ იმას, დატოვა თუ არა ამ ადამიანმა ქვეყანა. ერთ რამეს გეტყვით, რომ გამოძიება უკვე დასრულების ფაზაშია გადასული და იმედი მაქვს, უახლოეს პეროდში ჩვენ შევიტყობთ გარკვეულ ახალ ნიუანსებს ამ გამოძიებასთან დაკავშირებით“, – განაცხადა გიორგი გახარიამ.