ინდოეთში სტიქიას 95 ადამიანი ემსხვერპლა. ქვეყნის ჩრდილოეთ რეგიონებს ქვიშის შტორმმა გადაუარა, რომელსაც თან ახლდა ძლიერი ჭექა-ქუხილი და გადაუღებელი წვიმა. სტიქიამ ყველაზე მეტად უტარ-პრადეშისა და რაჯასტანის შტატი დააზარალა, სადაც საცხოვრებელი სახლების უმეტესობა მთლიანად განადგურდა.
დაშავებულია 100-ზე მეტი ადამიანი, ვარაუდობენ, რომ მსხვერპლის რაოდენობაც კიდევ უფრო გაიზრდება. სტიქიის ზონაში, სადაც ქარის სიჩქარე საათში 130 კილომეტრს აღწევდა, მასშტაბური სამაშველო ოპერაცია მიმდინარეობს.
მოსახლეობას არ მიეწოდება ელექტროენერგია, არ მუშაობს საზოგადოებრივი ტრანსპორტიც. ადგილობრივი ხელისუფლება დაღუპულთა ოჯახებს ფულად კომპენსაციას დაჰპირდა.
კომენტარები