2 მაისს „გირჩის“ ოფისთან მომხდარ ინციდენტში, როდესაც პოლიცია ნარკოტიკების მოხმარების ბრალდებით პირს აკავებდა, პარტიის წევრები – იაგო ხვიჩია და ვახტანგ მეგრელიშვილი ჩაერივნენ. პოლიციამ ისინი წვრილმანი ხულიგნობისა და დაუმორჩილებლობის გამო დააკავა. იგივე ბრალდება წაუყენეს ზურაბ ჯაფარიძესაც. სასამართლოს გადაწყვეტილებით, დაკავებულებს ათდღიანი ადმინისტრაციული პატიმრობა მიესაჯათ, ჯაფარიძეს კი – 2000-ლარიანი ჯარიმა.
ზურაბ ჯაფარიძემ ვიდეომიმართვა გაავრცელა, რომელშიც ის ცოლს და დედას ბოდიშს უხდის და ამბობს, რომ დაკისრებულ ჯარიმას არ გადაიხდის. ასევე აპირებს, საბანკო ანგარიშები გაასუფთაოს, რომ სახელმწიფომ დაკისრებული ჯარიმა ვერ ამოიღოს. მისი თქმით, ეს 2000-ლარიანი ჯარიმა არის უსამართლო და მას არავისთვის უგინებია.
კომენტარები