ერევნის ნომერ 11-ე სკოლის მოსწავლეები, მათი მშობლები და უფლებადამცველები სკოლის დირექტორის რუზანა აზიზიანის გათავისუფლებას მოითხოვენ.
მოსწავლეები აცხადებენ, რომ აზიზიანმა მათ არ მისცა უფლება აქციებში მიეღოთ მონაწილეობა, რომელიც ოპოზიციონერმა ნიკოლ ფაშინიანმა მოაწყო. გავრცელებული ინფორმაციით, დირექტორი ძალით აკავებდა მოსწავლეებს სკოლაში.
“ინტერფაქსის” ცნობით, აზიზიანი მმართველი რესპუბლიკური პარტიის წევრია და ყოფილი პრემიერმინისტრის სერჟ სარგსიანი თანაკურსელი.
სომხეთში პოლიტიკური კრიზისი მას შემდეგ დაიწყო, რაც პრემიერმინისტრი სერჟ სარგსიანი თანამდებობიდან გადადგა. ამას წინ 11-დღიანი საპროტესტო აქციები უძღოდა, რომელშიც დემონსტრანტები სერჟ სარგსიანის ხელისუფლებიდან წასვლას მოითხოვდნენ.
კომენტარები