ამერიკულ მედიაში მორიგი სკანდალური მასალა გამოქვეყნდა, რომელიც ამერიკის შეერებული შტატების პრეზიდენტის გარემოცვისა და რუსი ოლიგარქების კავშირს ეხება.
როგორც New York Times -ი წერს, პრეზიდენტ დონალდ ტრამპის ადვოკატის, მაიკლ კოენის კომპანიამ რუს ოლიგარქთან დაკავშირებული ფირმისგან 500 000 დოლარი მიიღო. ლაპარაკია რუს ოლიგარქ ვიქტორ ვეკელსბერგთან დაკავშირებული ფირმა Columbus Nova-ზე.
ასევე გაირკვა ისიც, რომ კოენის კომპანიამ 2016 წელს 200 000 დოლარი მიიღო კომპანია AT&T-გან. ეს კომპანია ტრამპის ადმინისტრაციისგან Time Warner-ის შესაძენად თანხმობას ითხოვდა. ინფორმაცია AT&T- ში დაადასტურეს, თუმცა თქვეს ისიც, რომ კოენის კომპანია მათ სასარგებლოდ არ ლობირებდა.
კოენი ფიგურირებს პორნომსახიობ სტეფანი კლიფორდის საქმეშიც, რომელიც ამტკიცებს, რომ ტრამპთან სექსი ჰქონდა, ხოლო დუმილის სანაცვლოდ თანხა გადაუხადეს.