ჩინეთის სამხრეთ რეგიონებში გადაუღებელ წვიმას ძლიერი წყალდიდობა მოჰყვა. ადგილობრივი ხელისუფლების ინფორმაციით, 70 ათასზე მეტი ადამიანი დაზარალდა.
სასოფლო-სამეურნეო დანიშნულების მიწების დატბორვის გამო მოსავალი 4 ათასამდე ჰექტარზეა განადგურებული.
შეფერხებებით მუშაობს რეგიონის ელექტრომომარაგების სისტემები. დაზარალებულ ქალაქებსა და სოფლებში სამაშველო სამუშაოები მიმდინარეობს.
სინოპტიკოსები უახლოეს დღეებში კვლავ უხვ ნალექს პროგნოზირებენ.
კომენტარები