ნარკოტიკების რეალიზაციის ბრალდებით დაკავებულების საქმეზე, საქალაქო სასამართლოში, გამოძიების ოქროს მოწმის დაკითხვა იწყება.
მოწმეს, რომელმაც ნარკოტიკებით ვაჭრობა ფარულად გადაიღო, სასამართლო დარბაზში, მაგისტრი მოსამართლის თანდასწრებით დაკითხავენ.
ადვოკატი ვახტანგ კვიჟინაძის განცხადებით, არსებობს ინფორმაცია იმის შესახებ, რომ ე.წ. ოქროს მოწმე ქვეყნის დატოვებას აპირებს, რაც იმას ნიშნავს, რომ დაცვის მხარეს არსებითი განხილვის დრო კითხვების დასმის შესაძლებლობა ამ პირთან აღარ მიეცემა.
კიდევ ერთი ადვოკატი, გიორგი ფანცულაია ვარაუდობს, რომ მაგისტრი მოსამართლის მიერ მოწმის დაკითხვის შემდეგ მას ქვეყნიდან გაყვანას უპირებენ.
„სავარაუდოდ, ამ ადამიანს უპირებენ, რომ დატოვოს ქვეყანა შესაბამისად დაიკითხოს მანამდე მაგისტრ სასამართლოში, რადგან ამ მტკიცებულებებით აპელირება მოახდინონ განხილვაზე. რა თქმა უნდა, ეს ჩვენი ვარაუდია. ასეთი ფორმებით ამ საქმეზე სიმართლის დადგენა უფრო გაჭირდება“-აცხადებს ადვოკატი გიორგი ფანცულაია.
სასამართლოში იმყოფებიან დაკავებულების ოჯახის წევრები და ადვოკატები, რომლებიც ჰყვებიან, როგორ შევიდა მოწმე ნდობაშიდაკავებულებთან და შემდეგ ფარული ვიდეო-მასალა გადაიღო. გადაღებული ვიდეო მასალა სამართალდამცველებისთვის მთავარი მტკიცებულება გახდა.
ბრალდებულის, ქეთი მურუსიძის დედა აცხადებს, რომ მისი შვილი უდანაშაულოა და ის პროვოკაციის მსხვერპლი გახდა.
„ჩემს ადვოკატს აქვს პროცესი ჩანიშნული, საათნახევრით ადრე დაურეკეს და უთხრეს, რომ არის პროცესი და მოჰყავთ სოლომონ-ლაზარე, რომელიც მგონია,რომ ქვეყანას დატოვებს და ასეც მოხდება . ეს სოლომონი მე რომ საზღვარგარეთ ვიყავი ვთხოვე, ჩემს დას რომ შეემოწმებინათ ეს პირი და ბევრჯერ ჰყავთ ნანახი.“-ამბობს თეო ტყალაძე.