სირიაში „ბოევიკებმა“ რუს სამხედროებს ცეცხლი გაუხსნეს. ამის შესახებ რუსეთის თავდაცვის სამინისტრო იუწყება. უწყების ინფორმაციით, „ბოევიკების“ ცეცხლის შედეგად 2 სამხედრო მრჩეველი დაიღუპა და სულ მცირე 5 სამხედრო მოსამსახურე დაიჭრა. დამატებითი დეტალები მომხდარის შესახებ რუსეთის თავდაცვის სამინისტროს არ გაუვრცელებია.
ამასთან, „ისლამურ სახელმწიფოსთან“ დაახლოებული მედიაწყაროების ინფორმაციით, ტერორისტულმა დაჯგუფებამ დეირ-ელ-ზორის პროვინციაში, ქალაქ მაიადინის მახლობლად რუსი და ირანელი სამხედროების კოლონაზე მიიტანა იერიში. მათი ინფორმაციით, შეტევას 15 სამხედრო ემსხვერპლა.
კომენტარები