ბოლო ერთ წელში, კარიბის ზღვაში, პუერტო რიკოში ქარიშხალმა მარიამ სულ მცირე, 4 645 ადამიანი იმსხვერპლა. ამის შესახებ წერია ჰარვარდის ახალ კვლევაში, რომელიც New England Journal of Medicine-ში გამოქვეყნდა.
ქარიშხალი კუნძულს 2017 წლის სექტემბერში დაატყდა თავს, თუმცა ერთი წლის განმავლობაში, მისით გამოწვეული პრობლემების გამო ადამიანები კვლავ იხოცებიან, ვერ ხერხდება დაშავებულთა მკურნალობა, სერიოზული ზიანი მიადგა ჯანდაცვის სისტემას, გზები კვლავ მოუწესრიგებელია, ინფრასტრუქტურა კი, დროდადრო, ისევ ინგრევა და მსხვერპლს იწვევს.
მკვლევარებმა, შემთხვევითი შერჩევის გზით, 3 300 ოჯახი შეისწავლეს. აღმოჩნდა, რომ ყოველი ათასი ადამიანიდან, მხოლოდ ბოლო ერთ წელიწადში, სიკვდილიანობის მაჩვენებელმა 14.3 შეადგინა. ამ მონაცემით, 2016 წელთან შედარებით, ქარიშხლის შემდეგ სიკვდილიანობის მაჩვენებელი 62%-ით გაიზარდა.
