გერმანიაში, ფლენსბურგის სადგურში, დანით შეიარაღებული მამაკაცი მატარებელში მგზავრსა და პოლიციელს თავს დაესხა.
პოლიციის ინფორმაციით, 22 წლის სამართალდამცველმა ქალმა, რომელსაც დანით რამდენიმე ჭრილობა აქვს მიყენებული, ცეცხლი გახსნა და თავდამსხმელი მოკლა.
მომხდარის გამო ფლენსბურგის სადგურიდან ხალხის ევაკუაცია განხორციელდა. სადგური რამდენიმე საათით დაიკეტა. ჯერჯერობით უცნობია თავდასხმის მოტივი.
კიოლნი-ფლენსბუგრგის მატარებელში ორ მამაკაცს შორის ჩხუბი მოხდა, რის გამოც გამცილებელმა პოლიცია გამოიძახა. მგზავრებს შორის მყოფმა ახლაგაზრდა ქალმა პოლიციელმა, კონფლიქტის დარეგულირება სცადა, თუმცა ჩხუბის მონაწილე ერთ-ერთი მამაკაცი მეორეს დანით თავს დაესხა, შემდეგ კი პოლიციელი დაჭრა.
კომენტარები