კიევში მასობრივი საპროტესტო აქციები იმართება. კონსტიტუციის მოედანზე, უმაღლეს რადასთან ომის ვეტერანები და მაღაროელები შეიკრიბნენ. ისინი მათზე დაწესებული შეღავათების გაუქმების წინააღმდეგ გამოდიან. ინფორმაციას უკრაინული მედია ავრცელებს.
საპროტესტო აქცია პოლიციასთან შეტაკებებში გადაიზარდა. მანიფესტანტთა ჯგუფმა სამართალდამცავთა კორდონის გარღვევა შეძლო.
ისინი პარლამენტის შენობაში შეღწევას შეეცადნენ. ადგილზე პოლიციის დამატებითი ძალებია მობილიზებული. მომიტინგეებს სიმშვიდისკენ რადის პირველმა ვიცე-სპიკერმა ირინა გერაშენკომ მოუწოდა.
კომენტარები