მსოფლიოს თასზე სალომე ფაჟავამ გურზებით გამოსვლა სამეულში დაასრულა

მხატვრულ ტანვარჯიშში ქართველმა სალომე ფაჟავამ, მორიგი წარმატება იზეიმა. რიოს ოლიმპიური თამაშების ლიცენზიანტმა, ჩეხეთში გამართულ მსოფლიოს გრან -პრიზე იასპარეზა, სადაც მრავალჭიდში 70.700 ქულა დააგროვა და მეექვსე ადგილზე გავიდა. ქართველ ტანმოვარჯიშეს მსოფლიოს ჩემპიონმა მარგარიტა მამუნმა, მსოფლიოს და ევროპის პრიზიორმა მელტინა სტანიუტამ, დიანა ავერინამ, ვიქტორია ფილანოვსკიმ და არინა ავერინამ გაასწრეს.
სამაგიეროდ, ფაჟავამ ცალკეული საგნებით ვარჯიშში სამეულში შესვლა შეძლო. გურზებით ქართველმა მხატვრულად ტანმოვარჯიშემ 18.600 ქულით ბრინჯაოს მედალი დაიმსახურა. პირველი-მეორე ადგილები მარგარიტა მამუნმა (18.950) და მელიტინა სტანიუტამ (18.700) დაიკავეს.
სალომე რგოლით გამოსვლის დროსაც მედლის მოპოვებასთან  ახლოს იყო, მაგრამ ფინალში მესამეადგილოსან სტანიუტას (18.850) 0.250 ქულით ჩამორჩა და მე-4 ადგილით დაკმაყოფილდა.