“ეს რა უბედურება დღე გეწერა თურმე, რამდენ ოცნებებზე მესაუბრე ორი დღის წინ” – ზესტაფონში, გაზის გაჟონვის შედეგად დაღუპული დედისა და შვილების ახლობელი

ზესტაფონში, გაზის გაჟნვის შედეგად დაღუპულ დედასა და ორ მცირეწლოვან შვილზე ოჯახის ახლობელი სოციალურ ქსელში ემოციურ სიტყვებს წერს:

“როგორ დამენანე ჩემო გოგო, რა ტკბილი იყავი, ეს რა უბედურება დღე გეწერა რამდენ ოცნებებზე მესაუბრე ორი დღის წინ” – წერს დაღუპულის მეგობარი იზოლდა ოსაძე.

შეგახსნებთ, ზესტაფონში ბუნებრივი აირის გაჟონვის შედეგად, ახალგაზრდა დედა და მისი 2 და 4 წლის შვილები გარდაცვლილები იპოვეს.

შემთხვევა გვიან ღამით მოხდა და ახლობლებმა დაღუპულები დღეს აღმოაჩინეს.

გამოძიება სსკ-ს 240​ პრიმა მუხლით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც ორი ან მეტი ადამიანის სიცოცხლის მოსპობა მოყვა.