ტუნისის ერთ-ერთი სასტუმროს თანამშრომლებმა ტურისტები მძევლად აიყვანეს და უკვე ნაყიდი ტურების საფასურის კიდევ ერთხელ გადახდა მოითხოვეს. ინფორმაციას ამის შესახებ გამოცემა Daily Mail-ი ავრცელებს.
სასტუმრო Les Orangers-ის პერსონალმა ტერიტორიიდან ყველა გასასვლელი გადაკეტა, ინტერნეტი გათიშა და არ შეუშვა სასტუმროს ტერიტორიაზე ავტობუსები, რომლებსაც ტურისტები აეროპორტში უნდა წაეყვანათ.
Les Orangers-ის პერსონალი შიშობს, რომ ქვეყნის ყველაზე ძველი ტურისტული კომპანია Thomas Cook-ი, რომელიც ახლა ფინანსური სირთულეების წინაშე აღმოჩნდა, მათ ხელფასს ვერ გადაუხდის. კრედიტორებმა კომპანიას 900 მილიონი გირვანქა გამოუყვეს, თუმცა Thomas Cook-ი კიდევ 200 მილიონს საჭიროებს.
კომპანიის წარმომადგენლები ამტკიცებენ, რომ ყველა დავალიანება გასტუმრებული იქნება და ტურისტები საკუთარ ქვეყნებში დაბრუნებას შეძლებენ, თუმცა დიდი ბრიტანეთის მთავრობამ კომპანიის 150 ათასი კლიენტის ქვეყნიდან გაყვანის გეგმაზე დაიწყო მუშაობა. არსებული ინფორმაციით, ეს ქვეყნის ისტორიაში მშვიდობიან დროს განხორციელებული ყველაზე მსხვილი ევაკუაცია იქნება, რომელიც ბიუჯეტს 600 მილიონი გირვანქა დაუჯდება.
imedinews.ge