ძლიერი ქარის გამო, თბილისში, დოლიძის ქუჩაზე, ხის წაქცევის შედეგად დაშავებული ორი ადამიანიდან ერთ-ერთის მდგომარეობა მძიმეა. ის რესპუბლიკურ საავადმყოფოში მართვით სუნთქვაზე რჩება. ქარმა დააზიანა ელექტროსადენები და ავტომობილები.
ძლიერმა ქარმა თბილისსა და რუსთავში რამდენიმე საცხოვრებელ სახლს სახურავიც გადახადა. ძლიერი ქარი იყო ხელვაჩაურშიც, სოფელ ახალშენში, ქარმა წააქცია ხე, რომელიც საცხოვრებელ სახლს დაეცა. დაზიანებულია ელქტროგადამცემი ხაზები, გაზის მილი და ჩაკეტილია ცენტრალური გზა. შემთხვევის შედეგად არავინ დაშავებულა.
თბილისში ძლიერი ქარის შედეგად მომხდარ ინციდენტებთან დაკავშირებით, შინაგან საქმეთა სამინისტროს საგანგებო სიტუაციების მართვის სამსახურში 21 სექტემბერს, 21:00 საათისთვის შევიდა 270 შეტყობინება, მათ შორის, ძირითადად, ხეების წაქცევის, ტოტების მოტეხვის, შენობების კედლებიდან გარე საფარის ჩამოშლის და სახურავების დაზიანების შესახებ, ყველა შემთხვევაზე სამაშველო ჯგუფები გავიდნენ.