აშშ-ის რესპუბლიკური პარტიის სენატორი, მართა მაქსალი მიიჩნევს, რომ ჯანდაცვის მსოფლიო ორგანიზაციის გენერალური დირექტორმა, ტედროს გებრეიესუსმა თანამდებობა უნდა დატოვოს. მისი თქმით, ჯანმოს დირექტორმა ხელი შეუწყო იმას, რომ ჩინეთმა კორონავირუსის გავრცელებასთან დაკავშირებით რეალური მონაცემები დამალა.
„არასდროს ვენდობოდი კომუნისტებს. მათ დამალეს ვირუსი, რომელიც ჩვენთან გაჩნდა, ამერიკაში და მსოფლიოში არასასურველი სიკვდილიანობა გამოიწვია”, – თქვა პოლიტიკოსმა.
მაქსალი აცხადებს, რომ ჯანდაცვის მსოფლიო ორგანიზაციამ ჩინეთისთვის ხელის დაფარება უნდა შეწყვოიტოს.
„ჯანდაცვის მსოფლიო ორგანიზაციამ ჩინეთისთვის ხელის დაფარება უნდა შეწყვიტოს, ვფიქრობ, ექიმმა ტედროსმა თანამდებობა უნდა დატოვოს. ამ პრობლემის მოსაგვარებლად გარკვეული ზომები უნდა მივიღოთ. უპასუხისმგებლობაა, უსინდისობაა, რაც მათ გააკეთეს მაშინ, როდესაც ადამიანები კვდებიან მთელს მსოფლიოში”“ – ამბობს მაქსალი.
ცნობისათვის, ცოტა ხნის წინ აშშ-ის დაზვერვამ პრეზიდენტ დონალდ ტრამპმს მოხსენება წარუდგინა, რომელშიც ნათქვამია, რომ ჩინეთის ხელისუფლებამ საკუთარ ქვეყანაში ვირუსის გავრცელების მასშტაბები დამალა.