ლონდონში ანტი-რასისტულ აქციაზე, სადაც ჯორჯ ფლოიდის მკვლელობას ათასობით ადამიანი აპროტესტებდა, სამართალდამცველებსა და დემონსტრანტებს შორის შეტაკება მოხდა. მედიის ცნობით, დაშავდა 23 პოლიციელი.
„სხეულის დაზიანება მიიღო 23 პოლიციელმა, რომლებიც სამსახურეობრივ მოვალეობას ასრულებდნენ და საზოგადოებრივ წესებს იცავდნენ. ეს აბსოლუტურად მიუღებელია,“ – აღნიშნა პოლიციის პრეს-სპიკერმა ჯო ედვარდსმა.
ამერიკელი პოლიციელის მიერ ძალის გადამეტებით აფროამერიკელი ჯორჯ ფლოიდის გარდაცვალებას აშშ-ში მასობრივი პროტესტი მოყვა, შემდეგ კი ქვეყნის საზღვრებსაც გასცდა. მშვიდობიანი პროტესტი თანდათანობით ძალადობასა და დაპირისპირებაში გადაიზარდა. ქვეყანაში შექმნილი ვითარების გამო, 25 ქალაქში კომენდატის საათი გამოცხადდა. დღეს, ვაშინგტონის მერი ქალაქში მიმდინარე საპროტესტო აქციას შეუერთდა.