გარდაცვლილ გიორგი შაქარაშვილის მშობლები სახალხო დამცველს შეხვდნენ და ითხოვეს, რომ მოხდეს მათი დაცვა “მთავარი არხი”-ს მიერ განხორციელებული ბულინგისგან. ამის შესახებ მირიან ნიკოლაძემ “აჭარის ტელევიზიის” ეთერში ჩართვისას განაცხადა.
„სახალხო დამცველს შეხვდნენ გარდაცვლილი გიორგი შაქარაშვილის მშობლები, დედა და მამა. მეც ვესწრებოდი ამ შეხვედრას. მათ ომბუდსმენთან დააფიქსირეს, რომ გამოძიების მიმართ უნდობლობა არ აქვთ, რომ ელოდებიან საბოლოო შედეგებს და საბოლოო პოზიციას მას შემდეგ დააფიქსირებენ. ვგულისხმობ ბრალდებების წარდგენას იმ ადამიანების მიმართ, რომელზეც ცოტა ხნის წინ ოჯახმა გამოხატა პოზიცია. პირველი თხოვნა, რაც ოჯახს სახალხო დამცველის მიმართ აქვთ, ის არის, რომ გარდაცვლილი ბავშვის ოჯახი დაიცვას „მთავარი არხის“ მიერ განხორციელებული ბულინგისგან და სისტემური აგრესიისგან. ეს იყო დედის და მამის მთავარი მოთხოვნა“,- განაცხადა მირიან ნიკოლაძემ.