ექსპერტი ამირან სალუქვაძე სოციალურ ქსელში პოსტს აქვეყნებს.
“ურეკში ალბათ 200 სასტუმრო იქნება. ყველა ნორმალური სასტუმრო, კოტეჯი დატვირთულია. ყველა ნორმალური რესტორანიც ასევე.
მოკლედ, ვფიქრობ, ტურისტული სეზონი არ ჩავარდნილა. რა თქმა უნდა 9 მილიონი ვიზიტორის მიერ შემოტანილი თანხის შევსება შეუძლებელია, მაგრამ წელს მნიშვნელოვანია ტურისტული ინფრასტრუქტურის შენარჩუნება, მხარდაჭერა.
როგორც ჩანს, ვინც პანდემიის გამო საზღვარგარეთ 2 მილიარდს ვერ დახარჯავს, საქართველოში უწევთ დასვენება.
სასტუმროების დონე, შედარებით, ვიმეორებ, შედარებით, მატულობს, თუმცა ქუჩებში ნამდვილი ჯუნგლებია. განსაკუთრებით ყურადღებაა მისაქცევი მანქანების მიერ სიჩქარის გადაჭარბებაზე.
სანაპირო კარგად განათდა ურეკში, თუმცა ბოლომდე არაა გაკეთებული. ნაძვნარები ჩაბნელებულია.
მოკლედ, ურეკს ხელის შევლება სჭირდება, ქუჩების მოწესრიგება, ნორმალური მარკეტები და აფთიაქები და ა.შ., თორემ სასტუმროების მხრივ გამართული ტურისტული ინფრასტრუქტურაა.
დენდროლოგიურ პარკში ზღვა ხალხია.
მოწოდება “დაისვენე საქართველოში” სრულდება.”