დაკავებულები არიან ერთმანეთის ლანძღვით და საქართველოსთვის ძირის გამოთხრით, – განაცხადა გადაცემაში „იმედი Live” გარემოს დაცვისა და ბუნებრივი რესურსების კომიტეტის თავმჯდომარე მაია ბითაძემ ოპოზიციაზე საუბრისას.
მისივე თქმით, ოპოზიციაში დღეს მიმდინარე პროცესები კომიკურად გამოიყურება.
„არ ვიცი რა თამაშს თამაშობენ, მაგრამ ამ თამაშს არც მიზანი აქვს, არც თავი აქვს, არც ბოლო და არც წარმატების მომტანია. ჯერ თავი მოიკლეს და წმინდა ალიანსი შექმნეს, მერე ეს ალიანსი თავადვე ლანძღეს, მერე გაიყვნენ. დაკავებულები არიან ერთმანეთის ლანძღვით და საქართველოსთვის ძირის გამოთხით, ამ ადამიანებზე რა პერსპექტივა უნდა ააგოს, რომელიმე გონიერმა ადამიანმა, ქვეყნის შიგნით თუ ქვეყნის გარეთ, ამას მოსახლეობამ პასუხი დიდი ხნის წინ გასცა. თვალნათელია, რომ არასერიოზული ადამიანები არიან, რომლებიც ქვეყანაში კი არა, სახლშიც შეიძლება ვერ დატოვო მარტო“, – განაცხადა მაია ბითაძემ.