ჩვენ ჩაფრენილი ვართ იმ იდეას, რომ ვიყავით დიდი კოლონიური სუპერ სახელმწიფო. დღეს ჩვენ არ ვართ ასეთი სახელმწიფო. ბრიტანეთს უნდა გააჩნდეს სუვერენული პოლიტიკა და უფრო მოქნილი დიპლომატია აწარმოოს. საქართველოსთან მიმართებაში ბრიტანეთის პოზიციას ვერ დავარქმევდი დიპლომატიურს და მოქნილს, – განაცხადა გადაცემაში „იმედი LIVE“ ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა.
მისი თქმით, კირ სტრამერი და ბორის ჯონსონი არიან ადამიანები, რომლებიც ცდილობენ ისე წარმოაჩინონ, თითქოს გლობალურ სახელმწიფოს წარმოადგენენ, რაც სიცრუეა.
„ბრიტანეთი გამოვიდა ევროკავშირიდან ათი წლინ წინ. ჩვენ ბოლომდე ვერ აღვიდგინეთ დამოუკიდებლობა სუვერენიტეტის თვალსაზრისით. კარგია, რა თქმა უნდა ეკონომიკური ურთიერთობები ევროპასთან, მაგრამ ევროპული პროექტი გახდა უფრო პოლიტიკური და სამხედრო და არა ეკონომიკური ხასიათის. ბრიტანეთი იტანჯება სხვა რაღაცებისგან. ჩვენ ჩაფრენილი ვართ იმ იდეას, რომ ვიყავით დიდი კოლონიური სუპერ სახელმწიფო. დღეს ჩვენ არ ვართ ასეთი სახელმწიფო სამხედრო თვალსაზრისით, ეკონომიკურადაც არ ვართ ზე სახელმწიფო. ჩვენი ლიდერები სტარმერის და ბორის ჯონსონის ჩათვლით, ამ გლობალურ ღონისძიებებზე დადიან და საკუთარი თავის წარმოჩენა უნდათ, როგორც გლობალური სახელმწიფოს ხელმძღვანელის, რომელსაც შეუძლია თავისი აზრი მოახვიოს უკრაინის ომის საკითხებზე, ჩინეთის საკითხებზე, შუა აღმოსავლეთის საკითხებზე და ძალა ამის არ აქვთ. ბრიტანელები უყურებენ და ეკითხებიან: „ჩვენზე რას იტყვით, რატომ არ ხდება ჩვენზე ფოკუსირება?!“ ბრიტანეთს უნდა გააჩნდეს სუვერენული პოლიტიკა და უფრო მოქნილი დიპლომატია აწარმოოს. საქართველოსთან მიმართებაში ბრიტანეთის პოზიციას ვერ დავარქმევდი დიპლომატიურს და მოქნილს“, – განაცხადა იან პრაუდმა.