გიგა ბოკერიას პარტიის რეიტინგი მილევად რეჟიმშია, ამიტომ გასაკვირი არაა, რომ თვითმმართველობის არჩევნებს შეიძლება ბოიკოტი გამოუცხადონ. ყოველ მომდევნო არჩევნებზე ამომრჩევლის უფრო და უფრო ნაკლებ მხარდაჭერას იღებენ, – ამის შესახებ აგრარულ საკითხთა კომიტეტის თავმჯდომარემ, ნინო წილოსანმა განაცხადა.
მისივე თქმით, „ევროპული საქართველოს“ სასოწარკვეთილებას კარგად დაასრულებს ის ფაქტი, თუ ისინი ადგილობრივ არჩევნებში არ მიიღებენ მონაწილეობას.
„რაც შეეხება აქციების დაანონსებას, ჩვენ ნამდვილად ვემხრობით და ვაღიარებთ სიტყვისა და გამოხატვის თავისუფლებას, მაგრამ აქციები, რასაც ისინი აანონსებენ, მიზნად ისახავს დესტრუქციის გამოწვევასა და შედეგის ძალადობრივი გზით მიღწევას – იმ შედეგის, რასაც არჩევნებით ვერ აღწევენ. არჩევნებისა და ხალხის ნების გამოხატვის ალტერნატივა ძალადობრივი დემონსტრაციები ვერასდროს იქნება. დარწმუნებული ვარ, ძალადობრივ სცენარებს არც ოპოზიციის ამომრჩეველი ეთანხმება“, – განაცხადა წილოსანმა.