სოციალურმა ქსელმა twitter-მა ირანის სასულიერო ლიდერის ანგარიში დაბლოკა. მიზეზად დონალდ ტრამპის მიმართ მუქარის შემცველი განცხადების გამოქვეყნება სახელდება.
“შურისძიება გარდაუვალია. სოლეიმანის მკვლელს და მას, ვინც მისი მოკვლა უბრძანა, გადახდა მოუწევთ” – წერდა ირანის სულიერი ლიდერის მიკრობლოგზე twitter-ში.
აიათოლა ალი ხამენეის განცხადებით, ქასემ სოლეიმანის მკვლელობას არც დაივიწყებს და არც არავის აპატიებს. twitter-ზე გამოქვეყნებულ განცხადებას თან დონალდ ტრამპის ფოტოსურათი ახლდა, სადაც ქვეყნის 45-ე პრეზიდენტი გოლფს თამაშობს, თავზე კი სამხედრო თვითმფრინავის ან უპილოტო საფრენი აპარატის ჩრდილი იყო გამოსახული.
კომენტარები