იაგო ხვიჩიამ განმარტა, რატომ არ ესწრებოდა ოპოზიციისა და ევროპული საბჭოს პრეზიდენტის, შარლ მიშელის შეხვედრას. ამის შესახებ „გირჩის“ წევრმა „რუსთავი 2“-ის ეთერში ისაუბრა.
„ზურაბ ჯაფარიძე „გირჩის“ სახელით იყო წარმომადგენელი, ისევე როგორც ლიტველ პარლამენტის წევრთან შეხვედრაზე. როგორც სჩანს ჯერ საზოგადოებაში არ არის დალექილი ის ამბავი, რომ ზურა ჯაფარიძე „გირჩს“ აღარ წარმოადგენს. აქედან გამომდინარე ჩვენ მოგვიბოდიშეს და გვითხრეს, რომ სხვა შემთხვევაში ამას გაითვალისწინებენ. ეს არ იყო პოზიციაზე დამოკიდებულია. ეს პროტოკოლი შეთანხმებული იყო სტუმართან. ამ შემთხვევაში ჩვენ ვიცით რას მოუყვებიან მას და ჩვენი პოზიციები საჯაროდ არის ცნობილი“, – განაცხადა იაგო ხვიჩიამ.
ევროპული საბჭოს პრეზიდენტი შარლ მიშელი ოპოზიციური პოლიტიკური პარტიების ლიდერებს ხვდებოდა.
კომენტარები