საქართველოს პარლამენტის თავმჯდომარე არჩილ თალაკვაძე, „ლოპოტა სპა რეზორტის“ დამფუძნებლის გოგა მაისურაძის გარდაცვალების გამო მწუხარებას გამოთქვამს და მის ოჯახს უსამძიმრებს.
„ძალიან ვწუხვარ წარმატებული ბიზნესმენის, „ლოპოტა სპა რეზორტის“ დამფუძნებლის გოგა მაისურაძის გარდაცვალების გამო.
ის იყო სამაგალითო ადამიანი და მოქალაქე, ბიზნესის ახალი თაობის წარმომადგენელი, რომელმაც იდეის, გრძელვადიანი ხედვის და დაუღალავი შრომის შედეგად, შექმნა საამაყო, დამოუკიდებელი ქართული ბრენდი, პროგრესული, მწვანე ეკონომიკური პროექტი და ახალი სამუშაო ადგილები.
სამძიმარს ვუცხადებ მის ოჯახს, ახლობლებსა და მეგობრებს“, – განაცხადა არჩილ თალაკვაძემ.
„ლოპოტა სპა რეზორტის“ დამფუძნებელი, ცნობილი ბიზნესმენი გოგა მაისურაძე მძიმე დაავადების შედეგად გარდაიცვალა.
კომენტარები