საქართველოს ეკონომიკის მინისტრის განცხადებით, საქართველოში პირველი ვაქცინირებული ტურისტების ნაკადები გამოჩნდა.
როგორც ნათია თურნავამ მთავრობის სხდომის დასრულების შემდეგ გამართულ ბრიფინგზე განაცხადა, ისრაელის ავიაკომპანია „არკია“ მარტის ბოლოს 3 ტურისტულ ჩარტერულ რეისს შეასრულებს.
„მინდა გამცნოთ სასიხარულო ინფორმაცია, რომ გამოჩნდა პირველი ვაქცინირებული ტურისტების ნაკადები, კერძოდ მარტის ბოლოს ისრაელის ავიაკომპანია „არკია“ შეასრულებს 3 ტურისტულ ჩარტერულ რეისს 19,22 და 26 მარტს თელ-ავივი-ბათუმი-თელ-ავივის მიმართულებით, რაც რა თქმა უნდა ჩვენი შემსუბუქების შედეგია“, – განაცხადა თურნავამ.
კომენტარები