“პოლიცია კარგად არის განსწავლული, კარგია, რომ ადამიანები დააკავეს და მიმდინარეობს გამოძიება”

საქართველოში ამერიკის შეერთებული შტატების ელჩმა კელი დეგნანმა თბილიში 5 ივლისს განვითარებულ მოვლენებზე საუბრისას აღნიშნა, რომ საჭიროა საქმეების მიუკერძოებელი, პროფესიონალური გამოძიება.

მისივე თქმით,  მიზანმიმართული თავდასხმების ორგანიზატორებმა პასუხი უნდა აგონ. ამასთან, კელი დეგნანმა კიდევ ერთხელ აღნიშნა, რომ ჟურნალისტებმა დაშინების და ძალადობის გარეშე უნდა აკეთონ საქმე.

„კარგია ნახვა, რომ ადამიანები დააკავეს და მიმდინარეობს გამოძიება. საჭიროა საქმეების მიუკერძოებელი, პროფესიონალური გამოძიება. ვიცით, პოლიცია კარგად არის განსწავლული, რომ ეს გააკეთოს. გამოძიებას გარკვეული დრო სჭირდება. შემაშფოთებელია, რომ რამდენადაც ვიცი, ორგანიზატორები დაკავებული არ არიან. ეს იყო ორგანიზებული, მიზანმიმართული თავდასხმები და მნიშვნელოვანია, რომ ორგანიზატორებმა პასუხი აგონ. ჟურნალისტებმა კამპანიის დროს საქმე უნდა აკეთონ დაშინების და ძალადობის გარეშე“, – განაცხადა კელი დეგნანმა.