თურქეთის პოპულარულ კურორტზე, ბოდრუმში, სამი 5-ვარსკვლავიანი სასტუმროდან ტურისტების ევაკუაცია გამოცხადდა, – ამის შესახებ BBC წერს.
მიზეზი ხანძარია, რომელიც, ქვეყნის მასშტაბით, უკვე არაერთ ლოკაციაზე მძვინვარებს.
სამხრეთ თურქეთში – მერსინის, ოსმანიეს, ადანის, ანტალიისა და ქაჰრამანმარაშიის პროვინციების ტერიტორიაზე, ჯამში, 100-მდე ტყის ხანძრებს ებრძვიან. დაღუპულია 6 ადამიანი. ცეცხლის ჩაქრობას 2 ათასამდე მეხანძრე-მაშველი ცდილობს. სამუშაოში ჩართულია თვითმფრინავები, ვერტმფრენები და წყლის ავზით აღჭურვილი ავტომობილები.
თავდაპირველად, ტყის ხანძარი სამი დღის წინ, ანტალიაში, მანავგატის დასახლებაში გაჩნდა და დიდ ფართობზე გავრცელდა.
კომენტარები