გარდა იმისა, რომ ჩვენი პარტიის გამარჯვებაში ვარ დარწმუნებული, ასევე კახა კალაძის გამარჯვებაში კიდევ უფრო მეტად ვარ დარწმუნებული, იმიტომ რომ კახა არის უალტერნატივო კანდიდატი, – ამის შესახებ საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
მისი თქმით, დღეს კახა კალაძის საარჩევნო შტაბი გაიხსნა, რომელსაც შესანიშნავი ხელმძღვანელი ჰყავს.
„როგორც იტყვიან, მან თავისი ხელი დაატყო ქალაქს, ჩვენი ქვეყნის დედაქალაქს და მან უნდა გააგრძელოს იმისთვის, რომ დაწყებული საქმეები ბოლომდე მივიდეს. ამას ხედავს ყველა თბილისელი და ამ ქვეყნის ყველა მოქალაქე. შესაბამისად, მას ალტერნატივა არ ჰყავს, ამიტომ მის გამარჯვებაში დარწმუნებული ვარ და მის მიერ მაღალი პროცენტის აღების შანსები კიდევ უფრო მაღალია. დღეს შტაბი გაიხსნა, რომელსაც შესანიშნავი ხელმძღვანელი ჰყავს. გიორგი ამილახვარი არის ძალიან კარგი ადამიანი, კარგი მენეჯერი და ადამიანი, რომელიც ამ შტაბში უმასპინძლებს ერთი მხრივ ჩვენ მოქალაქეებს და მეორე მხრივ საარჩევნო კამპანიას თბილისში წარმართავს ისე, როგორც ამ ქალაქს, ჩვენს პარტიასა და კახა კალაძეს ეკადრება. დარწმუნებული ვარ, ამ ყველაფერში მისი როლიც მნიშვნელოვანი იქნება“, – განაცხადა მამუკა მდინარაძემ.