“პეტრო პოროშენკოს აზრადაც არ მოუვიდოდა, პოლონური ვაშლით დატვირთული ტრაილერით ან ფეკალური მასების გადამზიდავი ცისტერნით უკანონოდ დაბრუნებულიყო უკრაინაში, სადაც ამ ეტაპზე თავისი პარტიის და პიროვნული რეიტინგების მიხედვით, პოლიტიკურ ველზე გამოკვეთილ ლიდერს წარმოადგენს. ის ჩამოფრინდა ჩვეულებრივი ავიარეისის ეკონომ/კლასით, გაიარა სასაზღვრო პროცედურები, გამოცხადდა სასამართლოში და ხვალეც გააგრძელებს გადატანილ პროცესში მონაწილეობის მიღებას – ქვეყნის კონსტიტუციის, კანონმდებლობისა და სასამართლოს მიმართ თავისი უპირობო პატივისცემის ნიშნად”, – წერს ექსპერტი, დავით ქართველიშვილი სოციალურ ქსელში.
მისი თქმით, როგორც უნდა განვითარდეს მოვლენები – პოროშენკო პოლიტიკოსის იმიჯს შეინარჩუნებს და უკრაინის პოლიტიკურ მომავალში მას პერსპექტივები უდავოდ შეუნარჩუნდება, სააკაშვილისაგან განსხვავებით.
„დამოუკიდებელი უკრაინის ისტორია დღესდღეობით მოიცავს ექვს პრეზიდენტს, საიდანაც სამი – ლეონიდ კრავჩუკი, ლეონიდ კუჩმა და ვიქტორ იუშენკო ამჟამადაც ქვეყნის საექსპერტო წრეების მოქმედ და აქტიურ წევრებს წარმოადგენენ. სააკაშვილის მიერ საქართველოს “ბრწყინვალების ორდენით” დაჯილდოვებული და შემდგომ მისივე მონაწილეობით, უკრაინიდან გაძევებულ ვიქტორ იანუკოვიჩს ამჟამად ძებნილის სტატუსი აქვს. დღევანდელი პრეზიდენტი ვოლოდიმერ ზელენსკია, ხოლო მისი წინამორბედ პეტრო პოროშენკოს მიმართ – ქვეყნის სასამართლოს მიერ, ამჟამად “სახელმწიფო ღალატში” უმძიმესი ბრალი აქვს წაყენებული.
საინტერესო დეტალი: ნათელ/მირონობის მიუხედავად, ვიქტორ იუშენკომ 2019 წლის საპრეზიდენტო არჩევნებში მხარდაჭერა სააკაშვილის იმჟამინდელ მტერ, პეტრო პოროშენკოს ღიად დაუჭირა, რითაც თავის “სულიერ ნათესავს” სილა გააწნა. რაც შეეხება თავად პოროშენკოს, მან ევროპიდან სამშობლოში დაბრუნების გადაწყვეტილება ნებაყოფლობით მიიღო და მისი ეს ნაბიჯი, გვინდა თუ არ გვინდა – საინტერესო ანალოგების გავლების საშუალებას გვაძლევს.
პეტრო პოროშენკოს აზრადაც არ მოსვლია, საკუთარი თავის გადარჩენის მიზნით, თავის სამშობლოზე, მის მოქალაქეობაზე უარი ეთქვა, უამრავ ვიდეო/რგოლში საკუთარ ეროვნულ იდენტობაზე – მე “უკრაინელი არა ვარო” – განეცხადებინა. რომელიმე ქვეყნისთვის თავი შეეფარა იქაური მთავრობის მრჩევლის რანგში, ან იმ ქვეყნის ტერიტორიიდან საკუთარ სამშობლოში სახელმწიფო გადატრიალების მომზადებაში მიეღო მონაწილეობა.
პეტრო პოროშენკოს აზრადაც არ მოუვიდოდა პოლონური ვაშლით დატვირთული ტრაილერით, ან ფეკალური მასების გადამზიდავი ცისტერნით უკანონოდ დაბრუნებულიყო უკრაინაში, სადაც ამ ეტაპზე თავისი პარტიის და პიროვნული რეიტინგების მიხედვით, პოლიტიკურ ველზე გამოკვეთილ ლიდერს წარმოადგენს. ის ჩამოფრინდა ჩვეულებრივი ავიარეისის ეკონომ/კლასით, გაიარა სასაზღვრო პროცედურები, გამოცხადდა სასამართლოში და ხვალეც გააგრძელებს გადატანილ პროცესში მონაწილეობის მიღებას – ქვეყნის კონსტიტუციის, კანონმდებლობისა და სასამართლოს მიმართ თავისი უპირობო პატივისცემის ნიშნად.
მის მიმართ ნებისმიერი ტიპის აღმკვეთი ღონისძიების შეფარდების შემთხვევაში – პოროშენკოს მხრიდან რაიმე სამარცხვინო, ისტერიული, ფსიქოპატიური, ჯამბაზური, შეურაცხადი, ფსიქიკური აშლილობის შემცველი, ერისა და სახელმწიფოს შეურაცმყოფელი პერფორმანსების ჩატარება უდიდესი ალბათობით შეიძლება გამოვრიცხოთ. ამიტომ – როგორ არ უნდა განვითარდეს მოვლენები – პოროშენკო პოლიტიკოსის იმიჯს შეინარჩუნებს და უკრაინის პოლიტიკურ მომავალში მას პერსპექტივები უდავოდ შეუნარჩუნდება. სააკაშვილისაგან განსხვავებით“, – წერს დავით ქართველიშვილი Facebook-ზე.