პრემიერ-მინისტრის მოვალეობის შემსულებელმა გიორგი კვირიკაშვილმა ფრაქცია „საქართველოს პატრიოტების” წევრებთან შეხვედრისას განაცხადა, რომ კიდევ უფრო დაიხვეწება და საერთაშორისო სტანდარტებთან შესაბამისი გახდება პირადი ცხოვრების ხელშეუხებლობის მარეგულირებელი კანონმდებლობა და ზედამხედველობის სისტემა.
კვირიკაშვილმა დღეს სასამართლო რეფორმის გაგრძელებაზეც ისაუბრა.
”ძლიერი კვალიფიციური და დამოუკიდებელი სასამართლო ქვეყნის განვითარების ქვაკუთხედია. ჩვენ, პარლამენტის პირველივე სესიებიდან დავიწყებთ მუშაობას სასამართლო რეფორმის მესამე ტალღაზე, რომელიც უმნიშვნელოვანესია ამ მიმართულებით”, – განაცხადა გიორგი კვირიკაშვილმა.
მისივე თქმით, გაგრძელდება ინტენსიური მუშაობა, რათა სამართალდამცავი ორგანოების საქმიანობა ევროპულ სტანდარტებს დაუახლოვდეს.
„დანაშაულის წინააღმდეგ ბრძოლის მაქსიმალური ეფექტიანობისთვის, დაინერგებაანალიზზე დაფუძნებული პოლიციის სისტემა“, – განაცხადა გიორგი კვირიკაშვილმა.