“იმედს ვიტოვებ, რომ საქართველო და მოლდოვა არ იქნებიან განცალკევებულები და მიიღებენ კანდიდატის სტატუსს დათქმების საფუძველზე”

მოლდოვას და საქართველოს აქვთ შესაძლებლობების ფანჯარა და ისინი იმსახურებენ კანდიდატის სტატუსს, მაგრამ ნათელი, კარგად გაწერილი დათქმებით, – ამის შესახებ ევროპარლამენტარმა მარინა კალიურანდმა „იმედი LIVE“-თან ინტერვიუში განაცხადა. მას იმედი აქვს, რომ გადაწყვეტილების მიღებისას ევროკავშირი ამ ქვეყნების საკითხს ერთად განიხილავს.

„​ყველა ელოდება ევროპული საბჭოს გადაწყვეტილებას. ეს იქნება პოლიტიკური გადაწყვეტილება და ძირითადად დაემყარება ევროკომისიის მიერ გაცემულ რეკომენდაციებს. რას უნდა ველოდოთ? რა თქმა უნდა, ეს იქნება სპეკულაცია, მაგრამ, ვფიქრობ უკრაინა მიიღებს კანდიდატის სტატუსს, დანარჩენი კი კომისიის გადაწყვეტილებასთან შესაბამისობაში იქნება. მაგრამ კვლავ იმედს ვიტოვებ, რომ საქართველო და მოლდოვა არ იქნებიან განცალკევებულები და ერთად იქნება მათი საკითხი გადაწყვეტილი, მიიღებენ კანდიდატის სტატუსს დათქმების საფუძველზე, როგორც იყო გაცხადებული კომისიის მიერ. ეს არის შესაძლებლობების ფანჯარა. ჩვენ კანდიდატის სტატუსს ვიხილავთ უკრაინის წინააღმდეგ ომის, რუსული აგრესიის გამო. ამიტომაც, ეს არის მიზეზი თუ რატომ იმსახურებს უკრაინა სპეციალურ ყურადღებას, სპეციალურ მხარდაჭერას და კანდიდატის სპეციალურ სტატუსს“, – განაცხადა კალიურანდმა.