ლუქსემბურგის აეროპორტის ტერიტორიაზე უცნობი დრონები შენიშნეს, რის გამოც აეროპორტმა 18 სექტემბრის საღამოს მუშაობა დროებით შეაჩერა და ფრენები სხვა აეროპორტებში გადაამისამართა. მომხდართან დაკავშირებით გამოძიება დაწყებულია.
ეროვნული ავიაკომპანია „ლუქსეირის“ ინფორმაციით, პრობლემა 1 800-ზე მეტ მგზავრს შეექმნა. მათივე ცნობით, შეფერხებები შესაძლოა, კვლავ გაგრძელდეს.
როგორც ქვეყნის პრემიერ-მინისტრმა, ლუკ ფრაიდენმა განაცხადა, ბოლო დღეებში ქვეყნის საჰაერო სივრცეში „პოტენციურად უფრო დიდი დრონებიც“ შენიშნეს.
„ეს ლუქსემბურგისთვის ახალი შემთხვევაა, თუმცა ჩვენი მეზობელი ქვეყნებისთვის ეს ახალი არ არის. ჩვენ პარტნიორებთან ერთად ყველაფერს გავაკეთებთ, რათა ჩვენი მოსახლეობის უსაფრთხოება უზრუნველვყოთ“, – თქვა ფრაიდენმა.
კომენტარები