ლოტკინის დასახლებაში, ახტალის ქუჩის გასასვლელში საგზაო ინფრასტრუქტურის მოწესრიგება ბოლო ეტაპზეა. პროექტის ფარგლებში, ასფალტის საფარი 1 000 კვ.მ ფართობზე დაიგო, ასევე, მოეწყო ბორდიური.
მიმდინარე სარეაბილიტაციო სამუშაოებს ნაძალადევის რაიონის გამგებელი ირაკლი ანდღულაძე გაეცნო.
,,ახტალის ქუჩის გასასვლელში ძალიან დაზიანებული გზა იყო, რაც ადგილობრივ მოსახლეობას გადაადგილების პრობლემებს უქმნიდა. საგზაო სამუშაოების დასრულების შემდეგ, მოქალაქეები კეთილმოწყობილი გზით ისარგებლებენ“, – განაცხადა ირაკლი ანდღულაძემ.
ინფრასტრუქტურული პროექტის ღირებულება 50 000-მდე ლარია. საგზაო სამუშაოები ნაძალადევის რაიონის გამგეობის დაფინანსებით ხორციელდება.
კომენტარები