ობამა: რეიგანი საფლავში ამობრუნდებოდა, რომ გაეგო, “რესპუბლიკელი” ამომრჩევლის 37% ”კგბ”-ს თანამშრომელ პუტინს უჭერს მხარს

აშშ-ის პრეზიდენტმა ბარაქ ობამამ განაცხადა, რომ აშშ-ის ყოფილი პრეზიდენტი, რესპუბლიკელი რონალდ რეიგანი საფლავში გადატრიალდებოდა, რომ გაეგო თუ რამდენი რესპუბლიკელი უჭერს მხარს რუსეთის პრეზიდენტს ვლადიმერ პუტინს, – წერს გამოცემა Business Insider.
„არჩევნების შემდეგ კვლევა ჩატარდა, რომელშიც დავინახეთ, რომ რესპუბლიკელი ამომრჩევლების 37% მხარს უჭერს პუტინს. რესპუბლიკელი ამომრჩევლების 1/3-ზე მეტი მხარს უჭერს პუტინს, ”კა-გე-ბე”-ს ყოფილ თანამშრომელს. რონალდ რეიგანი საფლავში გადატრიალდებოდა“, – განაცხადა აშშ-ის პრეზიდენტმა პრესკონფერენციაზე.
„ზოგიერთები, ვინც მაკრიტიკებდა იმის გამო, რომ რუსეთს ვესაუბრებოდი, ასევე მხარი დაუჭირეს არჩეულ პრეზიდენტ ტრამპს მიუხედავად იმისა, რომ ის ამბობდა, რომ შეაჩერებს რუსეთის წინააღმდეგ სანქციებს და პუტინთან ერთად იმუშავებს“, – დასძინა ბარაქ ობამამ.