ლიეტუვის პრეზიდენტი, გიტანას ნაუსედა ამერიკელი ბიზნესმენის ილონ მასკის გამოკითხვას გამოეხმაურა, რომელმაც რუსეთ-უკრაინის ომის დასრულების საკუთარი ვერსია წარადგინა.
მასკის აზრით, ყირიმი რუსეთის ნაწილი იყო; ასევე მისი აზრით, საჭიროა ანექსირებულ რეგიონებში “არჩევნები” გაეროს ზედამხედველობით ჩატარდეს; გარდა ამისა, მასკის აზრით, რუსეთთან ომის დასასრულებლად უკრაინამ ნეიტრალიტეტი უნდა გამოაცხადოს.
როგორც ნაუსედამ Twitter-ში დაწერა, “ძვირფასო ილონ მასკ, როდესაც ვიღაცა ცდილობს თქვენი Tesla-ს ბორბლების მოპარვას, ეს არ აქცევს მას მანქანის ან ბორბლების კანონიერ მფლობელად. თუმცა ისინი ამტკიცებენ, რომ ერთად მისცეს ამას ხმა. უბრალოდ ვამბობ”.
კომენტარები