ზურაბ ადეიშვილისა და დავით ჭაკუას საქმეზე სააპელაციო სასამართლომ პირველი ინსტანციის სასამართლოს გადაწყვეტილება უცვლელი დატოვა. საუბარია ე.წ. ციხის კადრების საქმეზე. იუსტიციის ყოფილ მინისტრსა და სასჯელაღსრულების დეპარტამენტის ყოფილ თავმჯდომარეს თავისუფლების აღკვეთა ოთხი წლითა და ექვსი თვის ვადით განესაზღვრათ. ასევე, მათ დაეკისრათ ჯარიმა 5 ათასი ლარის ოდენობით. სხდომას ბრალდებული ჭაკუა ესწრებოდა, ზურაბ ადეიშვილი კი ამ დრომდე ძებნაშია.
„ზურაბ ადეიშვილმა შეიტყო, რომ ევროპაში შესაძლოა გასაჯაროებულიყო პატიმართა ცემა-წამების კადრები. იმისთვის, რომ შენიღბულიყო სისტემური დანაშაული, რაც სასჯელაღსრულების დეპარტამენტში პატიმართა წამების სახით იყო, სასჯელაღსრულების დეპარტამენტის უფროსმა დავით ჭკადუამ და ზურაბ ადეიშვილმა ორგანიზება გაუწიეს პატიმართა წამებას და მტკიცებულებათა ფალსიფიკაციის გზით, შეეცადნენ მომხდარი იმჟამინდელი პოლიტიკური ოპონენტისთვის – „ქართული ოცნებისთვის“ დაებრალებინათ. რეალურად სწორედ მათი ორგანიზებით მოხდა პატიმართა წამება“, – განაცხადა საქმის პროკურორმა გიორგი მუჯირმა.