სანზონის დასახლებაში, გურამიშვილის გამზირი N23 კორპუსის წყალარინების ქსელის რეაბილიტაცია მიმდინარეობს. პროექტის ფარგლებში, ახალი მილები 291 გრძივ მეტრზე ეწყობა, ასევე, მონტაჟდება ცხრა ჭა.
მიმდინარე სამუშაოებს ნაძალადევის რაიონის გამგებელი ირაკლი ანდღულაძე გაეცნო და ადგილობრივ მოსახლეობას შეხვდა.
„აღნიშნულ მისამართზე სანიაღვრე ქსელი მოეწყო და ამ ეტაპზე კორპუსის წყალარინების სისტემა მთლიანად იცვლება. ადგილობრივ მოსახლეობას დიდი ხნის განმავლობაში აწუხებდა მიწისქვეშა კომუნიკაციების პრობლემა. კორპუსის მოძველებული ქსელის რეაბილიტაციის შემდეგ ასფალტის საფარი დაიგება და გზის საფარი სრულად მოწესრიგდება“, – განაცხადა ირაკლი ანდღულაძემ.
მიწისქვეშა კომუნიკაციების მოწყობა-რეაბილიტაციისთვის ნაძალადევის რაიონის გამგეობამ ჯამში, 89 907 ლარი დახარჯა.
კომენტარები