ფაქტობრივად, სასამართლომ ამ საკითხთან დაკავშირებით იმსჯელა, გამოთქვა მზადყოფნა და თქვა, რომ დაავალებს პენიტენციურ სამსახურს, ჩართონ მიხეილ სააკაშვილი, რადგან ტრანსპორტირება ვერ ხერხდება, – ამის შესახებ მიხეილ სააკაშვილის ადვოკატმა, შალვა ხაჭაპურიძემ განაცხადა.
მისი თქმით, სასჯელის გადავადების პრეცედენტები არსებობს.
„ჩვენ გვინდა, ამ პროცესში ამ ადამიანმა [მიხეილ სააკაშვილი] მიიღოს მონაწილეობა. პროცესი ისე ვერ ჩატარდება. უზენაესი სასამართლო პრაქტიკა ამბობს, რომ ყველა ექსპერტი უნდა იყოს დაკითხული. 21 ტომი საქმეა მარტო დაცვის მხარის მიერ წარდგენილი და 30 მოწმეა. ჩვენ შეგვიძლია ინტენსიურად, ყოველდღიურ რეჟიმში ვიმუშაოთ“, – განაცხადა შალვა ხაჭაპურიძემ.
მიხეილ სააკაშვილისთვის სასჯელის გადავადების საკითხზე სასამართლო პროცესი 14 დეკემბრამდე გადაიდო.
კომენტარები