ვინაიდან ჩვენი მხარე თანხმდება, რომ ბანკის მხრიდან გარკვეული მოქმედებები არის სამართლის სფეროდან პოლიტიკაში გადასული, ჩვენ შეგვიძლია გავაიგივოთ, რომ ბანკის მოქმედებებთან დაკავშირებულია გარკვეული პოლიტიკური ინტერესები, – ამის შესახებ ბიძინა ივანიშვილის ადვოკატმა, ვიქტორ ყიფიანმა „ქრონიკაში“ Credit Suisse-ის საქმეზე საუბრისას განაცხადა.
„წარსულში ჩვენი არცერთი განცხადება არ იყო ფარატინა ქაღალდი, აზრს, ფაქტს ან არგუმენტს მოკლებული განცხადება. შემდგომი განცხადებებიც იქნება გაჯერებული კონკრეტული ფაქტებითა და არგუმენტებით. ჩვენ გვაქვს კონკრეტული ფაქტობრივი მასალა, შევჯერდებით და შევჯერდებით იმგვარად, რომ ყოველი ასეთი გამოსვლა საინფორმაციო ველში იყოს მაქსიმალურად წონადი. ხანდახან მექმნება წარმოდგენა, რომ ჩვენ უფრო მეტად ვუფრთხილდებით ამ საფინანსო ინსტიტუტის რენომეს, ვიდრე თვითონ ბანკის ხელმძღვანელობა. ამით ანგრევს არა მარტო საკუთარი ინსტიტუტის რენომეს, არამედ მთლიანად, შვეიცარიის სახელმწიფოს რეპუტაციას“, – აღნიშნა ვიქტორ ყიფიანმა.