დონალდ ტრამპმა პრეზიდენტობის პირველი 100 დღის გასვლის შემდეგ სააგენტო Reuters-ს ინტერვიუ მისცა, რომელშიც დაიჩივლა, რომ ძველი ცხოვრება მოენატრა. “ჩემს ცხოვრებაში იმდენი რამ ხდებოდა”, თქვა მან.
ამერიკის პრეზიდენტის თქმით, ის ჯერ კიდევ ვერ შეეჩვია ოცდაოთხსაათიან ყურადღებას უსაფრთხოების სამსახურის მხრიდან, რაც მის თავისუფლებას ზღუდავს. “თავს ვგრძნობ, როგორც ნაჭუჭში. ასეთი დაცვის პირობებში ვერსად ვერ გახვალ”, – თქვა მან.
მან დაიჩივლა, რომ მანქანის ტარება უყვარს, მაგრამ ახლა ამას საშუალება აღარ აქვს.
ტრამპი, რომელიც წარმატებული და საქმიანი ნიუიორკელი ბიზნესმენი იყო, გაკვირვებულია, რომ ახლა მას უფრო მეტი სამუშაო აქვს, ვიდრე წარსულში. “ვფიქრობდი, რომ უფრო იოლი იქნებოდა”, – განაცხადა მან.
კომენტარები