საქართველოს პრეზიდენტი გიორგი მარგველაშვილი ეგვიპტეში ორ ავტობუსზე განხორციელებული შეიარაღებული თავდასხმების გამო, ეგვიპტელ ხალხს სამძიმარს უცხადებს.
”ღრმა მწუხარებას გამოვთქვამ ეგვიპტის სამხრეთ ნაწილში ავტობუსებზე განხორციელებული შეიარაღებული თავდასხმის გამო, რომელსაც უდანაშაულო ადამიანთა მსხვერპლი მოჰყვა.
ვუსამძიმრებთ დაღუპულთა ოჯახებს და თანადგომას ვუცხადებთ ეგვიპტელ ხალხსა და ხელისუფლებას”, – ნათქვამია პრეზიდენტის სამძიმრის წერილში.
ეგვიპტეში, ელ-მინიას პროვინციაში სალოცავად მიმავალი ქრისტიანების ავტობუსებისთვის გახსნილი ცეცხლის შედეგად სულ მცირე 26 ადამიანი დაიღუპა და 30 დაშავდა.
კომენტარები