ჟურნალისტებთან შეხვედრისას ბიძინა ივანიშვილმა თამაზ თამაზაშვილის საქმეზეც ისაუბრა. ტელეკომპანია ”აჭარის” ჟურნალისტმა მას შეკითხვა დაუსვა და უთხრა, რომ გამოძიებული მხოლოდ თამაზაშვილის საქმე არის. რაზეც ბიძინა ივანიშვილმა შემდეგი პასუხი გასცა: “რატომ არ კითხულობთ რატომ დააკავეს თამაზ თამაზაშვილი. რომ გეკითხათ რისთვის დააკავეს და რა მეთოდებით და ფორმით მაშინ უფრო დაბალანსებული იქნებოდა თქვენი კითხვა”-განუცხადა ყოფილმა პრემიერმა ჟურნალისტს.
შეგახსენებთ, რომ თამაზ თამაზაშვილი ირაკლი ღარიბაშვილის სიმამრია, რომელიც 2011 წელს დააკავეს, მაშინ როცა ივანიშვილმა პოლიტიკაში მოსვლის შესახებ განაცხადა. თამაზ თამაზაშვილს ციხეში ლიკვიდაციას უპირებდნენ.
კომენტარები