შსს გავრცელებულ ინფორმაციას, რომლის მიხედვითაც ლილოში ჩატარებული სპეცოპერაციისას დაკავებული დაიჭრა, არ ადასტურებს.
შესაბამის კომენტარს შსს-ს საზოგადოებასთან ურთიერთობის დეპარტამენტის უფროსი თეა პერტაია აკეთებს.
”გავრცელებული ინფორმაცია იმის თაობაზე, თითქოს ლილოში დაკავებული ძებნილი პირი დაჭრილია, სიმართლეს არ შეესაბამება. მან გაქცევის მცდელობისას ფეხი დაიზიანა და სამართალდამცველებმა საავადმყოფოში გადაიყვანეს”, – განაცხადა შსს-ს საზოგადოებასთან ურთიერთობის დეპარტამენტის უფროსმა, თეა პერტაიამ.
სამართალდამცველებმა ლილოში ჩატარებული სპეცოპერაციის შედეგად ძებნილი პირი დააკავეს. შსს-ს ცნობით, ბრალდებულს დაკავებისას ცეცხლსასროლი იარაღი აღმოაჩნდა.
კომენტარები