საქართველოს წითელი ჯვრის საზოგადოებამ თურქეთისა და ირანის წითელი ნახვარმთვარის საზოგადოებებს თხოვნით მიმართა, გამოეყოთ შესაბამისი ტექნიკა – ვერტმფრენები, ბორჯომის ხეობაში ხანძრის სალიკვიდაციო სამუშაოებისათვის. ამის შესახებ ინფორმაციას საქართველოს წითელი ჯვრის საზოგადოება ავრცელებს.
ორგანიზაციის განცხადებით, სწჯს-ს თანამშრომლები წარმოდგენილნი არიან საველე ოპერაციების ცენტრში, რომელიც ჩამოყალიბებულია საქართველოს შინაგან საქმეთა სამინისტროს საგანგებო სიტუაციების მართვის სააგენტოს მიერ, ბორჯომის მუნიციპალიტეტის სოფელ დაბაში.
“სწჯს-ის გაწრვთნილი და აღჭურვილი თანამშრომლები და მოხალისეთა ჯგუფები მობილიზებულნი არიან საჭიროების შემთხვევაში ჩაერთონ რეაგირების საქმიანობებში სამოქალაქო უსაფრთხოების ეროვნული გეგმაში არსებული სწჯს-ის როლის შესაბამისად. პარალელურად სწჯს მოლაპარაკებებს აწარმოებს დონორ და პარტნიორ ორგანიზაციებთან. საქართველოს წითელი ჯვრის საზოგადოებამ მიმართა თხოვნით თურქეთისა და ირანის წითელი ნახვარმთვარის საზოგადოებებს გამოეყოთ შესაბამისი ტექნიკა (ვერტმფრენები) ხანძრის სალიკვიდაციო სამუშაოებისათვის. თურქეთის სახელმწიფომ გამოყო ორი ვერტმფრენი და ერთი თვითმფრინავი თურქეთის წითელი ნახევარმთვარის საზოგადოებასთან კოორდინაციით”, – ნათქვამია განცხადებაში.