ოკუპირებული სამხრეთ ოსეთის დე ფაქტო პრეზიდენტი ანატოლი ბიბილოვი დღეს „ვიზიტით“ მოსკოვს ეწვევა, სადაც რუსეთის პრეზიდენტ ვლადიმერ პუტინთან შეხვედრას გამართავს. ამის შესახებ ნათქვამია დე ფაქტო პრეზიდენტის პრესსამსახურის განცხადებაში.
ეს ბიბილოვისა და პუტინის მეორე შეხვედრა იქნება. პირველი შეხვედრა მიმდინარე წლის მაისში სოჭში შედგა.
„პრეზიდენტი ოფიციალური ვიზიტით მოსკოვში იმყოფება რუსეთის პრეზიდენტის ვლადიმერ პუტინის მოწვევით. ორი პრეზიდენტის შეხვედრა 14 ნოემბერს არის დაგეგმილი“, – ნათქვამია დე ფაქტო პრეზიდენტის პრესსამსახურის განცხადებაში.
კომენტარები