“მზად ვართ, რევოლუციური გარდასახვები შევიტანოთ დედაქალაქის განვითარებასა და წინსვლაში”, – ამის შესახებ თბილისის მერმა კახა კალაძემ დედაქალაქის საკრებულოში განაცხადა, სადაც თბილისის 2018 წლის ბიუჯეტს განიხილავენ.
კახა კალაძის თქმით, პროფესიონალების ჩართულობით შეიმუშავეს დედაქალაქის განვითარების ახალი გეგმა, რომელიც “ქართულმა ოცნებამ” საარჩევნო პროგრამის სახით წარმოადგინა.
“თბილისელებმა მაღალი ნდობა გამოუცხადეს ჩვენს საარჩევნო პროგრამას. ეს არის ის პროგრამა, რომელიც თბილისს აქცევს სიცოცხლით სავსე ქალაქად. ჩვენ მერიაში შესვლის პირველივე დღიდან დავიწყეთ ამ პროგრამის აღსრულება”, – აღნიშნა კახა კალაძემ.
მისი თქმით, თბილისის 2018 წლის ბიუჯეტი, რომელიც დედაქალაქის მერიამ წარმოადგინა, ორიენტირებულია თბილისის განვითარებასა და წინსვლაზე.
“დარწმუნებული ვარ, ვისაც თბილისისთვის სიკეთე სურს, ის მხარს დაუჭერს ამ ბიუჯეტს”, – განაცხადა კალაძემ.