სომხეთში მიმდინარე საპროტესტო გამოსვლებს სამხედროებიც შეუერთდნენ. ამის შესახებ „რადიო თავისუფლების“ სომხური რედაქცია იუწყება.
ინტერნეტში ვრცელდება ვიდეოკადრები, სადაც ჩანს, რომ სამხედრო ფორმაში გამოწყობილი ახალგაზრდა მამაკაცები ოპოზიციურ მსვლელობას უერთდებიან.
ერთ-ერთმა მათგანმა „რადიო თავისუფლების“ კორესპონდენტს დაუდასტურა, რომ აქციაზე სამხედრო ნაწილიდან მივიდა.
რადიკალური ოპოზიცია სომხეთში 13 აპრილიდან მასობრივ აქციებს იმის გამო ატარებს, რომ ქვეყნის პრემიერ-მინისტრის თანამდებობაზე ყოფილი პრეზიდენტის სერჟ სარგსიანის კანდიდატურა წარადგინეს. აქციების მიუხედავად, 17 აპრილს სომხეთის პარლამენტმა სარგსიანი პრემიერ-მინისტრად აირჩია, აქციის ორგანიზატორმა ნიკოლ ფაშინიანმა კი განაცხადა, რომ „ხავერდოვან რევოლუციას“ იწყებს.
კომენტარები