მთავარი პროკურორის მოადგილე გიორგი გოგაძემ მთავარი პროკურორის თანამდებობაზე საკუთარი კანდიდატურა მოხსნა. ინფორმაცია საქართველოს პროკურატურის პრესსამსახურმა გაავრცელა.
პროკურატურის ინფორმაციით, არასამთავრობო ორგანიზაცია „ადვოკატთა და იურისტთა საერთაშორისო ობსერვატორიამ“ მთავრი პროკურორის პოსტზე საპროკურორო საბჭოს გოგაძის კანდიდატურა გოგაძესთან შეთანხმების გარეშე წარუდგინა.
„გიორგი გოგაძე მადლობას უხდის არასამთავრობო ორგანიზაციას გამოცხადებული ნდობისთვის, თუმცა წარდგენა მთავარი პროკურორის კანდიდატად მოხდა მასთან კონსულტაციის და შეთანხმების გარეშე. გიორგი გოგაძის სამომავლო გეგმებში არ შედის მთავარი პროკურორის თანამდებობის დაკავება და შესაბამისად, ის ხსნის საკუთარ კანდიდატურას”, – აცხადებენ პროკურატურაში.
მთავარი პროკურორის პოსტზე დამატებით სამი კანდიდატი − მთავარი პროკურორის მოადგილე გიორგი გოგაძე, გრიგოლ გაგნიძე და იოსებ ბაჩიაშვილი 14 ივნისს წარადგინეს.
დღემდე მთავარი პროკურორის პოსტზე 7 კანდიდატი იყო წარდგენილი.
პირველი კანდიდატი − პაატა შავაძე, წარდგენილია 18 სხვადასხვა ორგანიზაციისა და პირის მიერ არის წარდგენილი;
მეორე კანდიდატი − ზურაბ ჯორბენაძე, მოქალაქეთა პოლიტიკურმა გაერთიანება „საქართველომ“ წარადგინა.
მესამე − გია ბერძენიძე, წარდგენილია 29 სხვადასხვა ორგანიზაციისა და პირის მიერ .(„მებრძოლ პატრიოტთა კავშირის“ თავმჯდომარე ემზარ ქვარიანისა და სხვათა
მეოთხე – ნანა რევაზიშვილი ა(ა)იპ „საქართველოს მწერალთა შემოქმედებითმა კავშირმა“, „საქართველოს იურისტთა გილდიამ“, „საქართველოს მეწარმეთა კონფედერაციამ“ და აკადემიურმა წრეებმა წარადგინეს.
თეა წულუკიანმა მთავარი პროკურორის შესარჩევად საჯარო კონსულტაციები 4 ივნისს დაიწყო.